Quixéramos contar cunha base de datos dos e das contacontos, animadores, técnicos ou empresas que poidan organizar actividades relacionadas co Apalpador, para pór ao dispor de todos os que os necesiten.
Sabemos que son moitos os e as que realizan actividades de xeito profesional, mais non temos a sorte de coñecelos a todas e todos. Que ninguén se sinta fóra, cunha mensaxe cos datos terá a súa estrela neste «paseo da sona» en menos de 24 horas.

Os que nós coñecemos:

Anxo MoureAnxo Moure
«Comezo divulgando a figura tradicional do Apalpador, logo, a sua localización como pertencente a unha cultura de montaña e a un espazo de grande diversidade que todos debéramos coñecer. A partir de ahí propoño unha viaxe ao Courel a través dos contos, cun tronco oco dunha mazaira que unha Fada das montañas nos agasalla para que miremos o mundo a través do corazón das árbores…».
carballoconbotas@hotmail.com
Teléfono: 648 075 831

Contacta con Anxo Moure





Barafunda TeatroBarafunda Teatro
«Antón fai unha viaxe alucinante ao corazón do Courel, onde vivirá unha gran aventura e coñecerá a un personaxe mítico do Nadal galego: O Apalpador. Un fantastico persoaxe do que falan antigas cantigas do Courel que agarda a Antón no máis fondo da devesa a onde chega na procura das estrelas… Inclúe: cantiga tradicional, maxia e o xogo ambientado Os vagalumes medorentos».
barafunda@barafundaanimacion.com
Teléfonos: 698 170 838 | 629 383 536 | 986 221 218

Contacta con Barafunda Teatro





Carlos LabrañaCarlos Labraña
«Este non é ano de froito, hai moita seca. Que se lle ocorrerá o Apalpador para conseguir castañas para levarlles ás nenas e nenos no Nadal? Esta é a historia que se conta neste espectáculo duns 30 min, na que dun xeito disparatado e divertido cóntase a historia do Apalpador e a súa axudante Trasniña. Nenas e nenos aprenderán a soutar e cantarán as cancións tradicionais sobre o personaxe».
carloslabranha@gmail.com
Teléfono: 646 811 281

Contacta con Carlos Labraña





Caxoto CativoCaxoto Cativo
«Neste espectáculo O Apalpador contaranos quen é, de onde vén, a que adica o tempo libre, anécdotas e historias do seu día a día … e o que é máis importante, que temos que facer para que nos deixe unha presa de castañas e algún agasallo deses que el mesmo constrúe. Un personaxe entrañábel que nos fará pasar unha hora de maxia».
caxotocativo@gmail.com
Teléfono: 653 616 126

Contacta con Caxoto Cativo





Ignacio Vilariño (Fantoches Baj)Fantoches Baj
«O castiñeiro do Apalpador é unha peza de teatro con monicreques que, partindo da tradición popular, presenta un carboeiro que as xentes chaman Apalpador. Este personaxe cóntalle ao público por que polo Nadal reparte castañas aos nenos e nenas que non teñen nada nas súas barriguiñas para que se manteñan alimentados todo o ano».
inacio@fantochesbaj.com
Teléfono: 699 066 449 | 986 783 013

Contacta con Fantoches Baj





Os Lanuxos Titerelás
«Somos uns monicreques de luva feitos a gancho que interpretamos micro pezas de teatro orixinais en verso para todos os públicos. Apalpadores, meigas bravas dos nosos recunchos son os protagonistas das nosas historias rimadas e dos nosos romances de cego para ficcionar a actualidade ao noso xeito e para escachar de risa. Es quen de nos convidar?»
os.lanuxos@gmail.com
Teléfono: 610 628 954

Contacta con Os Lanuxos





Pedro Brandariz
«Un espectáculo teatral no que O Apalpador, xunto con Xía a Trasna do Monte, conta as súas aventuras para chegar a todas as casas de Galicia onde hai cativas e cativos para apalpar as súas barriguiñas e deixarlle algún xoguetiño feito de madeira. Despois da peza teatral as cativas e cativos realizan un obradoiro no que confeccionan un monicreque do Apalpador».
dinamo@dinamoxestion.com
Teléfono: 619 345 100 | 981 902 772

Contacta con Pedro Brandariz





Raquel QueizásRaquel Queizás
Caen as primeiras folerpas sobre a vila de Conto. As nenas e os nenos agardan a visita do Carboeiro. «Hai moito tempo os mellores agasallos os traía el» –conta a señora Teresa, mentres almorza galletas sen presa–. «Traíanos castañas para comer, enredos de madeira para xogar e carbón, si, carbón para non pasar frío…» Espectáculo de contos para nenas e nenos a partir de 5 anos.
info@raquelqueizas.com
Teléfono: 600 670 740

Contacta con Raquel Queizás





Títeres CachiruloTíteres Cachirulo
«O Apalpador é mangallón e bo, de mirada doce e longas barbas coloradas. Durante o ano fabrica carbón, vive dos froitos silvestres, caza xabarís, recolle mel e fai aparecer, coas pólas dos bosques e fragas, os xoguetes que as madeiras agochan. O 31 de decembro visita aos nenos casa por casa e déixalles como obsequio castañas quentes e divertidos agasallos de madeira».
cachirulo@titerescachirulo.com
Teléfono: 605 880 858 | 981 801 237

Contacta con Títeres Cachirulo





Xanotas e LeirotasXanotas e Leirotas
«As nosas sesións de contos son moi variadas e o que intentamos sobre todo é levar a maxia, diversión e fomento pola lectura na nosa lingua. Ágora mesmo queremos preparar unha sesión onde a figura do Apalpador teña o fío conductor … respeto pola natureza, os cambios que ela sofre etc… En canto a teñamos rematada farémosvolo saber»
xanotaseleirotas@gmail.com
Teléfono: 607 485 288

Contacta con Xanotas e Leirotas





Cartas ao Apalpador Láminas Quen é o Apalpador? Actualidade Calendario de eventos
Facebook Twitter Pinterest Contacto