Preguntas habituais (FAQ)

Apalpador:

Quen é?: Un personaxe mítico do Nadal galego.

Onde vive?: Nas montañas do Courel.

A que se dedica?: Dedícase a facer carbón vexetal.

Que fai o resto do ano?: Traballa recollendo leña para facer o carbón e no outono, castañas. Tamén fai xoguetes de madeira.

Por que apalpa a barriga?: Porque así sabe se as nenas e nenos comeron abondo e están ben mantidos, que é o que a el lle gusta. Non quere que ninguén pase fame.

Por que non se sinte cando entra nos cuartos?: Porque agarda a que todo o mundo estea durmido e ben durmido, ademais é moi sixiloso cando quere.

E se non me saben as castañas?: Non pasa nada, pero se acordas é mellor que o avises porque así pode deixarllas a outro.

Sitio:

Pódense usar libremente as láminas?: Poden.

Pódense usar as imaxes?: As que son propias do sitio ou as de Xoán G., si. As que son doutros autores terán que deixalas eles.

Pódense usar os textos?: Os que son propios do sitio ou os de Xoán G., si. Os que son doutros autores terán que deixalos eles.

E se quero facer un produto comercial, podo usar as imaxes?: Podes, pero terás que pedir permiso e procuraremos darcho, todo é cuestión de vondade.

Se quero axudar, como podo facelo?: Se é económicamente, o mellor sistema é o de Paypal que está na columna da dereita, tamén podes facer un ingreso na conta da Irmandade dos Apañacastañas. Se o que queres é colaborar con calquera outra iniciativa, simplemente ponte en contacto connosco por calquera dos sistemas que hai no sitio web e cóntanos.

Premio de cartas ao Apalpador:

Quen pode participar?: Todo o mundo sen límites.

Hai algunhas bases?: Non, trátase de recibir cartas ao Apalpador, non vamos dicir como ten que escribila cada un(ha).

Hai límite de extensión?: Tampouco hai límite, por que ía habelo?

Se son un adulto, podo participar?: Si, claro, aínda que a grande maioría sexan menores, todos os anos recibimos cartas de adultos e mesmo as premiamos.

Se somos un grupo, podemos participar colectivamente?: Si, claro, aínda que a grande maioría sexan individuais, todos os anos recibimos cartas de grupos e mesmo as premiamos.