«Comezo divulgando a figura tradicional do Apalpador, logo, a sua localización como pertencente a unha cultura de montaña e a un espazo de grande diversidade que todos debéramos coñecer. A partir de ahí propoño unha viaxe ao Courel a través dos contos, cun tronco oco dunha mazaira que unha Fada das montañas nos agasalla para que miremos o mundo a través do corazón das árbores…».

Este ano creamos un novo proxecto que se chama A Apalpadora, e que cunha actriz e un violinista conta a historia da filla do Apalpador e quere ser un recoñecemento para poñer en valor o traballo da muller na montaña.