Entre 2013 e 2017 convocamos o Premio de Cartas ao Apalpador co fin de fomentar o costume epistolario entre as nenas e nenos do noso país. Eran cartas en formato clásico de papel, letra escrita a man e enviadas por Correos… moitas delas viñan con adornos, outras con debuxos, unhas eran extensas, outras breves, literarias, inocentes… A verdade é que houbo cartas marabillosas, tenras, duras (durísima algunha), esperanzadoras, simpáticas… Quixeramos poder reproducilas pero como nas bases (as mínimas imprescindíbeis) e na convocatoria non se especificou a posibilidades de reprodución, preferimos non facelo por respecto á privacidade das e dos autores.
Ver a lista de premiados…
Escribe a túa carta na web
Aquí podedes escribirlle ao Apalpador. A extensión das cartas para publicar na web está limitada por razóns técnicas e de estilo, o número máximo de palabras é de 300, pensamos que son abondo.
Ola, Sr Apalpador:
Son Andrea,escríbote para dicirche que sei que as miñas notas poderían mellorar moitísimo,pero que o seguinte trimestre voume esforzar máis. A verdade é que a min non me gustan as castañas, polo cal prefiro que non mas traias. Prefiro que me traias un libro novo, que sexa de misterio e entretido, e se pode ser... un lagarto.
Que teñas un bo ano.
Un saúdo Andrea.... Collapse
Comentarios recentes